Petroskoin randupiha kunnostetah
Petroskoin linnan randupihua ruvetah kohendamah. Ruavot juatah kahteh vuoroh. Enzimäine algavuu oraskuus, silloi kohendetah randupihua Rotondas algajen Leninan prospektah suate. Enzimäine kunnostamizen vaihe huavatah loppie kezäkuun loppussah, Petroskoin linnan päiväh suate. Toine kunnostamizen vaihe algavuu ligakuus, kohendamah ruvetah randupihan palua Leninan prospektas algajen Fregat-hotelih suate.
— On tärgei, ku kunnostamizen aigah ei vaigu vaihteta vahnat plitkat uuzih. Federuallizih vartoih uvvistetah pihatulet, luajitah arhitektuuruvaloittamine, sego kačommo azettua pienembät vestokset, kerdou Petroskoin linnan piälikkö Inna Kolihmatova omassah VK-sivul.
Oniegan randupihan kunnostamizeh BIOEN-laitos valmistau enämbi 20 000 nellikkömetrii plitkua karjalan granitas. Sih nähte oli sovittu tämän vuvven tuhukuus Karjalan piämiehen Artur Parfenčikovan da Moskovan piälikön Sergei Sob’aninan ruadovastavukses.
Aihies voit lugie suomeksegi.
Yhty Oman Median kanualah MAX:as!
