Petroskoin lentoašema palveli yli 33 000 matkuajua
Enšimmäisen puolen vuuvven aikana Petroskoin lentoašema palveli yli 33 000 matkuajua, ilmottau Karjalan tašavallan tietalouven, liikentehen, pošti- ta telelaitokšen ministerijö. Tilaštojen mukah on luajittu luvettelo lentošuunnista, kumpaset on kyšytyimpie Karjalan eläjillä.
— Moskovah läksi yli 19 000 matkuajua. Piäkaupunkilla on šuurimman kuletuškeškukšen statussi, min anšijošta še on piäšuunta työmatkoja, läpikulkulentoja ta turismie varoin, ministerijö kertou tiijoššukšeššah.
Šamoin 4 000 matkuajua lenti Kaliningradih, 3 300 henkie matkušti Mineral’nije Vodi -kaupunkih. Soči otti vaštah yli 1 500 ihmistä. Kazanih läksi yli 1 300 matkuajua.
Tänä vuotena Karjalašta voipi lentyä Moskovah, Jekaterinburgih, Mahačkalah, Murmanskih, Sočih, Kaliningradih, Čerepovetsih, Kazanih, Mineral’nije Vodih, Minskih ta Samarah.
Aihiešta voit lukie niise šuomekši.
Yhty Oman Median MAX-kanalah!
