Karjalan kanšallini teatteri alotti uuvven ohjelman “Teatteribloggerien koulu”. Opaštujilla kerrotah mitein kirjuttua teatterista ta spektakliloista.
Enšimmäiset oppitunnit piettih Karjalan kanšallisen teatterin teatteribloggerien koulušša. Ošanottajat kačottih Muššan mečän tarinoita -näytelmyä, keškuššeltih šiitä šekä kokenuijen opaštajien kera yritettih kirjuttua lyhyitä arvošteluja, kriittisešti analisoija spektaklie ta oikein käyttyä teatterialan šanoja.
– Koulun muoto vaštuau nykyajan tendenssijä. Sosialimedijašša myö voimma löytyä uušie kaččojie ta hyvin kirjutettu juttu tietyšti auttau täššä ruavošša. Koulu opaštau miellyttäväšti ta oikein kirjuttua teatterista, šano koulun kurattori Natalja Žemgulene.
Koulun monilla ošanottajilla ennein ei ollun kokemušta teatteritekstien kirjuttamisešša, vaikka hyö ollah innokkahie teatterin harraštajie. Koulun järještäjät toivotah, jotta koulun jälkeh internetissä voit löytyö 10 kertah enemmän mukavie tietoja teatterista.
Opaššuš on järješšetty yleisvenäjän teatteritoimijien ohjelman rajoissa. Šen johtajana on Piiterin teatteritietäjä ta teatterikritikko Nadežda Stojeva.