Petroskoilaisie kučutah Muistovartijoh

Muistovartijo yhistäy tuhanšie ihmisie ta muissuttau istorijallisen muisson šäilyttämisen tärkeyvyštä. 16+ Kuva: Karjalan tašavallan piämiehen lehistöpalvelu

Karjalašša alkau yleisvenäläisen Muistovartijo-aktijon alovehellini vaihe. Juhlalliset avajaiset järheššetäh 25. šulakuuta Tuntomattoman šotilahan hauta -muistokompleksin luona. Asiešta kerto Šukupolvien jatkamini -kanšalaisjärještö Vkontaktešša.

— Muistovartijo-aktijon avaiset pietäh 25. Šulakuuta kello 11:00. Tilaisuoh ošallistuu ečintäjoukkojen komentajie ta šotilahie, Šuuren Isänmuallisen šovan veteranija, veteranijärještöjen ta vallan elimien etuštajie, koulun musejojen ta istorijallisen rekonstruoinnan klubien johtajie. Kello 12:00 Engelsin kavulla, 4 alkau konferenšši, kumpaseh ošallistuu ečintäjoukkojen etuštajie, kertou järještö poštaukšessah.

Seremonija merkiččöy uuvven 38. kauven alkuo ečintäjoukkoja varoin. Šykšyn loppuh šuaten ne ruvetah ruatamah Šuuren Isänmuallisen šovan taistelujen paikoissa. 

Aihiešta voit lukie niise šuomekši.

Yhty Oman Median MAX-kanalah!