Neuvontapunkti on Petroskoissa atresilla German Titovin katu, 3. Oraškuun 27. päivänä avattu laitoš rupieu auttamah eččie työtä Piiterista.
– Neuvola ilmešty Piiterin työresurssikeškukšen pyritykšeštä. Neuvolan tarkotukšena on kertuo Petroskoin ta koko Karjalan eläjillä Piiterin yritykšien työpaikoista. Työresurssikeškukšen ruatajat kerättih noin 5000 vakanssie, analisoitih tilannehta työmarkkinoissa ta valmissettih ehotukšie työpaikkoja eččijillä, kerto työresurssikeškukšen etuštaja Alina Nečajeva.
Neuvontapunkti rupieu toimimah kešällä, oraškuun 27. päiväštä alkuan elokuun 30. päiväh šuaten arkipäivisin kello 10:00 – 20:00. Kaikki palvelut voi šuaha makšutta.
– Spesialisti antau kanšalaisella neuvuo peruštuon hänen työkokemukšeh ta toivomukših, koroštau Alina Nečajeva.
Joka vuosi šemmosie punktija avatah Venäjän eri kaupunkiloissa. Tänä vuotena ne ruvetah toimimah Petroskoissa, Kurskissa ta Astrahanissa.