Petroskoih nostetah uuzii kentii koirien kävelyttämizeh da harjaittamizeh niškoi. On tietois, ku enzimäine kenty nostetah Drevl’anka-mikropiirih Patriot-puustoh, kudai on sijoitannuhes Kaskad-eländykompleksan lähäl. Paikkoi, kudualoih nostetah dostalit kentät, ei ole vie miärätty. Net valitah kunnostamisprojektan hantuzis. Uuzis kentis roitah urnatgi.
Kentien nostamizes piettih paginua vastavukseы Petroskoin piämiehenke. Jälgiaigua Petroskoin eläjät ruvettih kirjuttamah žualoboi, ku koirien omistajat ei kabrasteta koirien jättehii, min periä lijastutah linnan pihat. Sendäh on tärgei nostua uvvet kentät koirien kävelytändäh niškoi.
– On ylen tärgei, ku koirien omistajil olis vastustu. Ku ei ole vastustu, por’adnua ei rodie, on varmu Petroskoin piämies Vladimir L’ubarskii.
Sit, kuibo vois kurittua koirien omistajii, kuduat ei kabrasteta omien koirien jättehii, ruvetah pagizemah tulieы vastavukseы.
Tänäpäi Petroskois on kolme kentiä koirih niškoi: Vihandu randu -puustos Perevalka-mikropiiris, Prioz’ornii-puustos da Novodrevl’anskii-puustikos Drevl’anka-mikropiiris.