Petroskoiš zavodihe školiden täuz’ kohenduz
Petroskoiš zavodihe školiden täuz’ kohenduz. Sauvojad zavodiba täuden kohendusen tošt etapad školiš №12, 29, 35 da 43. Neciš starinoičeb Petroskoin pämez’ Inna Kolihmatova VKontakte-lehtpolel.
Kaikiš školiš kohetas inženerižid da elektrižid verkoid. Školas №35 kohetas lämbitust, ventil’acijad, požar- da varjoičuzsignalizacijad. Školas №43 mugažo kohetas lämbitust, ventil’acijad da vezivedod. Školiš №12 da 29 kohetas požar- da varjoičuzsignalizacijad. Mugažo školas №29 tehtas kohenduzradod katuses.
— Federaližen tugen abul školiš №7 da 39 mugažo linneb kohenduz. Školas №7 kohendam pertinocan, katusen da elektroverkoid. Školas №39 vajehtam inženerižid da elektrižid verkoid, mugažo ventel’acijad, starinoiči ladnan pämez’ Inna Kolihmatova VKontakte-lehtpolel.
Školad kohetas ”Nored da lapsed”- rahvahaližen projektan mödhe.
Uzišt neciš temas voib lugeda mugažo suomeks.
