Petroskoiš zavodihe ”Bubrihan lugendad”-konferencii
Petroskoiš zavodihe ”Bubrihan lugendad”-konferencii, miččen teman om ”Keled da kul’turad cifrovizacijan aigan”.
”Bubrihan lugendad”-konferencii mäneb tradicijan mödhe kerdan kahtes vodes Karjalan tedokeskusen Kelen, literaturan da istorijan institutas.
Konferencijaha ühtneba tedomehed, üläopenikad, opendajad da ekspertad Karjalaspäi, Moskvaspäi, Piterišpäi da toižiš Venäman regionoišpäi.
— Konferencijan temaks om valitud cifrovizacii ei muite. Ved’ nügüd’ melentartuz’ elektronižihe resursoihe da nügüdläižihe tehnologijoihe kazvab, sanui ičeze tervhensanan aigan Ol’ga Il’uha, Kelen, literaturan da istorijan institutan pämez’.
Konferencii mäneškandeb kaks’ päiväd — 26. da 27. redukud. Konferencii mäneb ühtištadud formatal: online da tradicionaližel formal.
