Petroskoi: raudutieazeman tyveh luajitah uuttu mašinoin azetuskohtua
Petroskoin raudutieazeman tyveh luajitah uuttu azetuskohtua mašinoih niškoi. Se on tärgei projektu, ku tiloin vähytty mašinoih nähte nähtäh kaikin — linnalazet da Petroskoin linnah käyjät.
— Uuzi raudutieazeman tyves olii mašinoin azetuskohtu on valmis enämbäl migu 60%. Kai ruavot loppietah tämän vuvven loppuh suate, imoitti Petroskoin piälikkö Inna Kolihmatova omassah VK-sivul.
Uvven mašinoin azetuskohtan vuoh opitah pienendiä mašinoin luguu Gagarinan lagevol da sen lähevil. Se on tärgei ruado raudutieazeman alovehen kunnostamizekse.
Petroskoin piälikkö Inna Kolihmatova da Karjalan tazavallan transportuministru Dmitrii Krilov yhtes kačottih rakendusobjektua. Rakenduslaitos ruadau pluanua ennittäjen, on luajittu asfal’tu, azetettu tienbokkukivet, luajittu perustu kävelykujoloih nähte.
Projektan puittehis sežo luajitah dorogutulet da kävelykujot azetuskohtas Paravoznii-puustos.
Aihies voit lugie suomeksegi.
