Petroskoi otti vaštah Karjalaini šuarna -festivalin
Karjalaini šuarna -festivali keräsi Petroskoih lapšien harraššušteatterikollektiivija Karjalan eri piirilöistä. Kaikkieh kilpailuh ošallistu šeiččemen kollektiivie Priäžän, Aunukšen, Kalevalan ta Oneganrannan piirilöistä. Finalih piäsi nellä teatterikollektiivie. Lapšet näytettih omua neruo ta rakkahutta karjalan kieleh. Šiitä kertou Karjalan tašavallan kanšallisen ta alovehellisen politiikan ministerijö.
— Olemma iloisie, jotta eri-ikäset lapšet ošallissuttih meijän festivalih. Kiitämmä kaikkija ošallistujie šiitä, jotta hyö košetetah teatterin ihmeheh, šäilytetäh karjalaisie perintehie ta tykätäh omua kieltä, lainuau ministerijö Karjalan Rahvahan Liiton johtajan ta festivalin järještäjän Anna Jakovlevan šanoja.
Arvoštelijat arvoššettih ošallistujien näyttelijäneruo, lavaššukšie, karjalan kielen taituo ta tunnettujen juonien šelitykšen omaluatuisutta. Voittajat šuatih diplomija ta muistolahjoja. Šuuri palkinto myönnettih MIX-teatterilla Aunukšen piirin Alaivoisen pos’olkašta.
Karjalan šuarna -festivali piettih Karjala henkilöissä: Istorija. Kieli. Kulttuuri -projektin rajoissa Karjalan tašavallan piämiehen granttišiätijön kannatukšella.
Yhty Oman Median Telegram-kanalah!
