Petroskoi: ”Mandžoin poimiččuine” on täyzi
Petroskoin linnas 11. heinykuudu algavui mandžoin festivuali ”Mandžoin poimiččuine”. Karjalan tazavallan Moi biznes -keskus pidäy jarmankua linnan järvirannas jo nelläs vuozi peräkkäi.
Jarmankua pietäh 11.—27. heinykuudu 10.00—19.00 aigah Onieganrandupihan da Leninan prospektan kolkas. Pidoh yhtyy karjalastu fermerua, syömizien luadijua da neroniekkua. Linnalazet da Petroskoih tulluot suajah oppie vaste kerättyy marjua, tuttavuo karjalazih fermeroih da aktiivizesti viettiä aigua.
— Kuulemah festivualis suau ostua mandžoidu vereksenny, tostu marjua da niilöis luajittuu magiedu — varen’n’ua, džemua, limonuadua, marjuvetty, pastilua, jiämaiduo, šokoluadua da tostu magiedu. Vältämättäh kävähtämmös festivualih, sanoi Oma Mediale petroskoilaine Jelena Minina.
Mandžoin poimiččuine -festivualih tulluzile pivon valmistajat heinykuun 12. päiväkse valmistetah erilline programmu. Linnan järvirannas puolenpäivän aigah suau kuulta Marat Didinan saksofonal soitandua, jälles 12.00 čuassuu peräkkäi festivualih tulluzile taritah mujuttua ilmiet akvagrim-luaduh, luadie omin käzin mezituohus, čomendua käzišalgu, luadie marjukeksat.
Aihies voit lugie suomeksegi.
