Petroskoiš mäneb “Norišt. Kehitoitandan sijad” -konferencii

Konferencijaha ühtni suomalaiž-ugrilaižiden rahvahiden ezitajid Venäman 12 regionaspäi. Kuva: Karjalan rahvahaližen da regionaližen politikan ministerstv/Anastasia Dobrohodova

Sügüz’kun 11.-13. päivil Petroskoiš da Kiži-sarel pidetas “Norišt. Kehitoitandan sijad” -konferencii. Sihe ühtneba norišton ezitajad Venäman suomalaiž-ugrilaižiš regionoišpäi, a mugažo aktivistad da kundaližed ezinikad. Konferencii mäneb panel’diskussijoiden da sekcijoiden ištundan formatoiš.

— Konferencijaha ühtneb läz 60 suomalaiž-ugrilaižiden rahvahiden ezitajad Venäman 12 regionaspäi. Ühtneda konferencijaha voib kut onlain-, muga i oflain-formatoiš. Kaiked konferencijas om koume sekcijad: “Norišton rol’ tahoiden kehitoitandas”, “Ičetahtnikan tö kut nügüdläižen noren elon lad” da “Media. Joukvestišt. Žurnalistik”, starinoiči “Baltianmeren suomalaižiden rahvahiden ligan” pämez’ Anna Anhimova.

Konferencijan tegeb “Baltianmeren suomalaižiden rahvahiden liga” “FUMM. Suomalaiž-ugrilaižed norišton matkad” -projektan aigan Karjalan pämehen grantoiden fondan rahatugel.

Uzišt neciš temas voib lugeda mugažo karjalaks da suomeks.