Petroskoin keskuzkirjišt kucub Karjalan pälidnan eläjid ”Lahjoiče kirj armastusel” -akcijale, mitte mäneb 2.—16. uhokud.
— Lidnan kirjištod otaba lahjaks uzid da lugetud kirjoid kovas kores da mugažo kirjoid, miččed om paindud ei aigemba 2015. vot, sanui Petroskoin keskuzkirjišt.
Kirjoiden lugetiž voib löuta Petroskoin keskuzkirjišton saital.
Rahvahidenkeskeine kirjoiden andmižen päiv praznuitas 14. uhokud. Kaikuččen voden azjtegoho ühtneba eläjad enamb mi 30 maspäi. Necil päiväl kirjad lahjoitas heimolaižile, sebranikoile, kirjištoile, lapsidenkodile, školile da hüväntegijoile organizacijoile.
Uzišt neciš temas voib lugeda mugažo suomeks.