Petroskoi: linnas pietäh Kuolematoi polku -kulguu
Tänä vuon Kuolematoi polku -kulguu Petroskois pietäh tavan mugah da perindöllizes muvvos.
— Myö uvvessah lähtemmö astumah Karjalan piälinnua myöte omien urholoin kuvat käis. Kučun kaikkii linnalazii da Petroskoin gostii yhtymäh Kuolematoi polku-kulguh, ku yhtes myö mustoittazimmo, ken kaikel väil lähendi Suurdu voittuo. Lujah uskon, ku sidä piduo jo ammui vuotettih, kerdoi Karjalan tazavallan piämies Artur Parfenčikov omassah VK-sivul.
Tänä vuon Kuolematoi polku-kulgu Karjalas perindöllizes muvvos vaigu Petroskois. Pivon aigah nähte ilmoitetah myöhembä. Zakonoinvalvonduelimet turvatah pidoh tulluzien varuamattomuttu.
Karjalan kaikis piirilöis pietäh omii pruazniekkupidoloi Voiton 80-vuozipäivän kunnivokse.
Aihies voit lugie vepsäkse, suomekse da ven'akse.
