Petroskoi kuulou Kalevalua eri kielil

Periodika-julguamon seinis jo viizi vuottau ruadau lapsien Kičči-kočči-joukko, kuduas lapsii opastetah soittamah kandelehel, pajattamah da tansimah. 6+ Kuva: Karjalazien, vepsäläzien da suomelazien kieliresursukeskuksen VK-sivu

Petroskoin valdivonkonservatouries 27. tuhukuudu pietäh Kalevala mnogolikaja -piduo, kudai on omistettu Ven’an kanzoin yhtenäžyön vuvvele, kuduan ilmoitti prezidentu Vladimir Putin.

Piduo valmistau Glazunovan nimelline Petroskoin valdivonkonservatourii. Konsertas suau kuulta petroskoilazii Istoki-, Šuldir-, Akret mari-, Semnadtsatoje leto -pajojoukkoloi, nähtä lapsien Kičči-kočči -joukon lapsii, ihailla Onežskije kruževa-, Vdohnovenije- da armenialazien Nairi -tansijoukkoloin ezityksii.

— Konzu vai alloimmo Kičči-kočči-joukon harjatuksii, kerras piätimmö, ku opastammo lapsii enzimäzekse improviziiruimah, ku hyö soitettas kandelehel enzi kerduagi sidä käzis pidäjes da toizekse, ku lapset syvendyttäs runollizeh perindöh. Täs pivos lapset pajatetah Kalevalan enzimäzen runon algusanat. Täl kerdua ezitytäh vaigu brihačut, sanoi Oma Mediale Alina Kartinen, Kičči-kočči-joukon opastai.

Kalevalalale omistettu pido roihes 27. tuhukuudu 18.00 čuasun aigah Petroskoin valdivonkonservatouries suures zualas (Leningradskaja, 16).

Yhty Oman Median kanualah Telegramas!