Petroskoi keriäy rahvastu yhteh stolah
Talvikuus Ven’an prezidentu Vladimir Putin allekirjutti käskyn Ven’an muan rahvahien yhtevyön vuvven pidämizes. Petroskoi avai tämän vuvven syömizien festivualil. Jevangelien uskon kirikköh kerävyi eri kanzoin edustajua ozuttamah toine toizele omua syömizien valmistandan kul’tuurua da hyvin viettämäh aigua.
— Ven’alastu val’l’oidu da tadžikoin plov-riisusyömisty, tatuaroin čak-čak-magiedu da karjalastu šipainiekkua, armienielastu dolmua da suomelastu lohikeittuo — oli äijy magiedu. Vie oldihgi kanzallizet pajot, paginat, muhahtukset da sebäilyt, kirjutti omaassah VK-sivul Petroskoin piälikkö Inna Kolihmatova.
Petroskoin linnanhaldivon johtai huomai, gu nengozet pivot yhtistetäh rahvastu. Net ollah tärgiet meijän tazavallale.
— Passibo pruazniekas. Yhtes myö olemmo Ven’an muan rahvas. Petroskoi on rahvahien yhtevyön linnu! ližäi häi.
Yhty Oman Median kanualah Telegramas!
