Petroskoi: Iäneššykšeššä ieššä on nel’l’a kunnoššettavua alovehta
Petroskoin eläjien on valittava yhekšäštä objektista kolme alovehta, kumpaset vuotena 2027 šuahah federalisie varoja kunnoššukšeh Infrastruktuuri elämyä varoin -kanšallisprojektin rajoissa.
— Täh päiväh tašavallan piäkaupunkissa enšimmäisellä kolmella paikalla on nellä avonaista alovehta. Enšimmäisellä paikalla on Kukonmäjen Kuntoilijien Kävelykuja. Drevl’ankan Patriotti-puistolla on vain 100 iäntä vähemmän, kertou Karjalan tašavallan piämiehen lehistöpalvelu tiijotukšeššah.
Kolmatta paikkua juatah Kiillehtehtahan Puistikko ta Kivini Männikkö -puisto Kl’učevaja-kaupunkinošašša.
Iäneššyš piättyy kolmen netälin piäštä, ta jokahini voipi valita aloveh Gosuslugi-portalin kautti.
Vain kolme alovehta Petroskoissa ta 41 alovehta Karjalašša voittau ta šuau federaliset varat kunnoššukšeh.
Yhty Oman Median MAX-kanalah!
