Petroskoiš ühtetihe igähižiden rahvahiden etnodiktantaha
Petroskoin Mediakeskuses ezmäižen kerdan mäni IV Etnodiktant Venäman Pohjoižen, Sibirin da Edahaižen päivnouzman igähižiden rahvahiden kelil.
Diktantan pätegii om Piterin Igähižiden rahvahiden associacijan erišt.
— Täl vodel etnodiktantan teman oli “Minun rahvahan fol’klorižed henged”. Mö valičim Natalja Silakovan Kodi-ižandaine-sarnan, mitte starinoiči vepsän fol’kloran ezitajan polhe, sanub diktantan lugii Galina Baburova.
Diktantaha vepsän kelel ühtniba Petroskoin universitetan baltianmeren suomalaižen filologian kafedran openikad, Vepsän kursiden openikad da Paginkluban ühtnikad.
— Nece diktant om hüvä voimuz kerata ühthe vepsän kelen eriigäižid openikoid da kodvda heiden vepsän kelen tedoid, sanub Vepsän kul’tursebran pämez’ Larisa Čirkova.
Etnodiktant rahvahiden kelil mäni äjiš toižiš-ki Venäman Pohjoižen, Sibirin da Edahaižen päivnouzman regionoiš
