Periodika: uuzi julgavo piäzi ilmoih
Periodika-julguamos piäzi ilmoih ven’a-karjalaine paginsanakirju ”Elävän paginan virkehet”. Se on jullattu Karjalan Rahvahan Liiton projektan hantuzis. Julgavos on liygii da vienankarjalua da se on luajittu juurii teatrujoukkoloih nähte.
— Ozutuksii da spektakliloi valmistajes pidäy kandukanzoin histourien, tavoin, kul’tuuruominažuksien da kielien syviä ellendämisty. Paginsanakirju on tarkoitettu enzimäzekse niilöile teatrujoukkoloile, kuduat tavoitetah juuroittua karjalankielizii sanelendoi omassah teatruruadoh, sanoi Oma Mediale Anna Jakovleva, Karjalan Rahvahan Liiton piälikkö.
Karjalan Rahvahan Liiton piälikön sanoin mugah uuzi paginsanakirju andau mahton enämbäl käyttiä karjalan kieldy ozutuksis, se rodieu tärgei askel oman kielen da oman rahvahan perindön säilyttämizes.
Paiči alguajii teatrujoukkoloi paginsanakirjas rodieu hyödyy kollektiivoil, kudamil on karjalan kielen käyttämizen kogemustu. Karjalan kieldy hyvin maltajat akt’ourat voijah levendiä omua sanastuo da terendiä kielineruo. Paginsanakirjan painolugumiäry on 300 palua. Kyzyö sidä voibi Karjalan Rahvahan Liitos.
Paginsanakirju on jullattu Karjalan Rahvahan Liiton Karjalan perindöt teatrulaval -projektan mugah, kudai on suannuh kannatustu Karjalan piämiehen grantufondaspäi.
Aihies voit lugie suomekse da ven'akse.
Yhty Oman Median kanualah Telegramas!
