“Periodika” -painištos zavodihe uz’ openduzvoz’
“Periodika” -painištos zavodihe uz’ openduzvoz’. “Kičči-kočči” -lapsiden sebr radab siš jo koumanden voden. Kezalebun jäl’ghe lapsed aktivižesti süveniba sädandprocessaha.
— Jatksi ičeze radod ”Pagižem venäks hüviš meliš ” -paginklub. Ristitud erazvuiččiš maišpäi, kudambad opendaba venän kel’t, tundištihe Karjalan rahvahiden sebruden kodin radonke, tedištiba azjtegoiš, miččid tehtas sigä, ühtniba viktorinaha Karjalan polhe, sanutihe Karjalan pämehen press-službas.
Karjalaižiden, vepsläižiden da suomalaižiden kel’keskuses jo mäniba ezmäižed uden openduzvoden urokad karjalan, vepsän da suomen keliden gruppiš.
Kaik openduzčasud tehtas maksuta Karjalan rahvahaližen da regionaližen politikan ministerstvan abul.
Uzišt neciš temas voib lugeda mugažo suomeks.
