“Periodika” ezitab ičeze kirjad “Karjalan valdkundan Voden kirj – 2024” -konkursale

Kirj “Vepsän kul’turjäl’gestuz”, miččen pästi eloho “Periodika” -paindišt, tegihe 2023. voden kirjaks. 12+ Kuva: Jekaterina Golubnik

Karjalas zavodihe “Karjalan valdkundan Voden kirj — 2024” -konkurs. “Periodika”-paindišt udes ühtneb konkursaha.

— Vodel 2024 ”Periodika” -paindištos läksi ei muga äi kirjoid, kut vodel 2023. No meil om midä ezitada konkursal. Ozutesikš, Dmitrii Dmitrijevan ”Runosarnad 3”-kirjan, sanui “Oma Mediale” ”Periodika”-paindišton painusiden pästandan erišton pämez’ Jelena Ravickaja.

Männudel vodel konkursale oli oigetud 86 pakičust. Niišpäi 45 kirjad voibištelihe “Voden kirj” -nimen samižes. ”Periodika”-paindištos läksi eloho ”Vepsän kul’turjäl’genduz”-kirj, mitte vägesti-ki ”Karjalan valdkundan Voden kirj — 2023” -konkursas muloi. Kirjas starinoitas vepsän rahvahan elos 1950. -vozil.

Pakičusid konkursale ottas keväz’kun 5. päivähasai. Ližatedoid konkursas voib löuta Karjalan Rahvahaližen kirjišton internet-lehtpolel.

Uzištoid neciš temas voib lugeda mugažo karjalaks da suomeks.