Pereh-kanzalline projektu: Karjalan kul'tuurulaitokset kundoh kahtes vuvves
Karjalan kul'tuurulaitokset perustehellizesti kohendetah Pereh-kanzallizen projektan tuvel vuozinnu 2025 da 2026. Sih nähte, kunämmä laitokset piästäh projektah, kerdoi Karjalan kul'tuuruministru Aleksei Lesonen istundos zakonoinhyväksyndykerähmös.
— Perustehellizesti kohendettavinnu ollah kul´tuurukeskus Suojärvel, kolme kirjastuo Kostamukses, Pitkäsrannas da Suojärvel, lapsien taidoškola Kemis, kodialovehkeskus Kurgijovel, kaksi muzeidu Kemis da Pitkäsrannas, sego muuzikkuteatru Petroskois, kerdoi ministru.
Nämmien kul'tuurulaitoksien kohendukseh on uskaldettu kogonah lähes 500 miljounua rubl'ua.
Lesozen mugah Belomorskas tänä vuon loppietahes kahten voinanaigazen bunkeran kohendamisruavot. Nämmih ruadoloih on annettu 18,6 miljounua rubl´ua vuvvennu 2025. Remontan jälles net ruvetah ruadamah ozutuskohtannu Karjalan frontan muzein ozannu. Ližäkse muzeile on annettu lähes 12 miljounua rubl´ua uvven tehniekän ostamizeh.
Ven'an kylien kehitys -programman tuvel perustehellizesti kohendetah kul´tuurutaloi da kinoteatru Anukses. Ven'an Karjalan kehitys -programman tuvel nostetah kul'tuuran kehityskeskus Lahdenpohjah.
Aihies voit lugie suomeksegi.
