Patrušev korgiesti arvosti Karjalan kehitystazon

Ruadovastavukses paginua piettih Ven’an prezidentan abuniekku Nikolai Patrušev, Ven’an luodehpuolen federuallizes okrugas prezidentan edustai Igor’ Ruden’a da Karjalan piämies Artur Parfenčikov. Kuva: Karjalan piämiehen lehtistöpalvelu

Petroskois pietys ruadovastavukses Ven’an prezidentan abuniekku Nikolai Patrušev korgiesti arvosti Karjalan sotsiualu-ekonoumiellizen kehityksen tazon.

Paginal oldih meedikkupalvelu, pahas kunnos olijois taloloispäi toizih eländykohtin rahvahien muuttamine, turizmualan, pienen da keskisuuren biznesan kehitys, transportuprobliemoin sellittämine da Karjalan yhtymine Arktiekan kehitysty koskijoih projektoih.

— Alalleh kävyn Karjalah da näin, ku tazavaldu kehittyy ruttoh, sotsio-ekonoumiellizet kyzymykset sellitetäh effektiivizesti, kerdou Nikolai Patruševan sanoi Karjalan piämiehen lehtistöpalvelu.

Erikseh korgiesti Patrušev arvosti, kui menöy ruaduo vahnois lahonnuzis kodiloispäi uuzih eländykohtih rahvastu muuttajes. Virgumies mustoitti, ku se on alovehen eräs tärgevimii probliemoi.

Karjalan piämies, kudai kerdoi ruadovastavukses tazavallas pietyys ruavos, kerdoi Karjalan eksportas da ekonoumiekkusidielöis Kitaih, Iranah da Indieh. Parfenčikov pani merkile muatalovuon kazvun, kerdoi Karjalan tuottehet -tehnoparkan da uudeh Kurčatovan instituutan kannatuksel nostettavah tehtoparkah nähte.

Yhty Oman Median kanualah MAX:as!