Parahat etnoturismin projektit šuahah tukie
Oraškuun 12. päiväštä alkuan 23. päiväh šuaten Karjalan turismin johtamisen laitoš ottau vaštah anomukšie etnotursmin projektien kilpailuh. Projektien teemoina voijah olla kulttuuri-tiijušteluturismi šekä projektit, kumpasien toteuttamisen jälkeh Karjalan vierahat ta eläjät šuahah ennemän tietuo Karjalan kanšojen kulttuurista ta tavoista, henkelliseštä kulttuurista, istorijallisešta kehitykšeštä.
– Još projekti voittau tuven, še voit olla käytetty muapalojen oštamiseh, rakennukšien projektien valmistamiseh, rakennukšien oštamiseh ta korjuamiseh, inšinerisistemien ašettamiseh, näyttelyjen valmistamiseh, šelitetäh Karjalan turismin johtamisen laitokšešša.
Rahatuven miärä on 3 miljonie rupl’ua. Anomukšie voijah työntyä kaikki Karjalašša rekisteröityt turismialan yksityisyrittäjät.
