Paraš vuuvven kašvattaja on valittu

Paraš vuuvven kašvattaja on valittu

28.04.2023
Muamonkielen opaštamiseh oikeutettu kašvattaja -nominatijošša kilpaili tašavallan päiväkotien kolme ruatajua.
Muamonkielen opaštamiseh oikeutettu kašvattaja -nominatijon ošanottajat L’udmila Blinkova (vaš.), Svetlana Kobeleva ta Natalja Romanova. Kuva: Karjalan opaššukšen kehityšinstituutti
Muamonkielen opaštamiseh oikeutettu kašvattaja -nominatijon ošanottajat L’udmila Blinkova (vaš.), Svetlana Kobeleva ta Natalja Romanova. Kuva: Karjalan opaššukšen kehityšinstituutti

Eklein oli ilmotettu Vuuvven kašvattaja – 2023 -kilpailun tulokšet.

Vuuvven kašvattaja – 2023 -kilpailun Muamonkielen opaštamiseh oikeutettu kašvattaja -nominatijoh otti ošua Karjalan kolme kašvattajua, kumpaset opaššetah lapšilla muamonkielie. Hyö ollah livvinkarjalan opaštajat Natalja Romanova Aunukšen Zv’ozdočka-päiväkojista ta L’udmila Blinkova Aunukšen Raduga-päiväkojista šekä šuomen kielen opaštaja Svetlana Kobeleva Petroskoin Lumikello-päiväkojista.

— Ošallistujien piti piäššä šeiččemen ammattitestaukšen läpi. Esimerkiksi, Internetti-portfolio-tehtäväššä arvoššettih kašvattajien internetti-resurssija, a Mie ole opaštaja -tehtäväššä kačottih kašvattajien valmistamie videota, missä hyö esitettih omua ammattitoimintua, šuavutukšie ta harraššukšie. Šamoin kilpailun aikana kašvattajat kerrottih omista metodisista ta pedagogisista ohjeista, vaššattih arvoštelijien kyšymykših ta ošallissuttih pedagogisih debattiloih, kerto Karjalan opaššukšen kehityšinstituutin metodisti Ol’ga Hramtsova.

Mukavin ta tärkein tehtävä oli “Pedagogini toimenpito lapšien kera”, kumpasen aikana tarkaššettih kašvattajien tuntie muamonkieltä opaštujien lapšien kera. Niitä vietettih Lumikello-päiväkojin tiloissa.

Kilpailu-tehtävien jälkeh arvoštelijat koroššettih, jotta kaikki ošanottajat esitettih korkeita ammattitaitoja. Šiitä hyö ilmotettih kilpailun tulokšet, kumpasien mukah L’udmila Blinkova voitti Etnokulttuurisen perinnön šäilyttämini-nominatijošša.

A Muamonkielen opaštamiseh oikeutettu kašvattaja -nominatijošša voitti Lumikello-päiväkojin musiikkijohtaja Svetlana Kobeleva. Šamoin hiän šai Vuuvven kašvattaja – 2023 -kilpailun II aštehen diplomin.

— Mie kučuin lapšie musiikkimatkah, mi oli täyši šuomelaisie lauluja ta tanššija, kevätmečän iänijä ta kantelen šävelmie. Kašvatit iče ei huomattu, kun opaššuttih šoittamah kantelella šekä matkimah kontien ta kontienpojan liikkehie ta iänijä. A mie autoin lapšie– viritin heijän korvat ta šormet tarvittavah tahtih, ritmih ta mielialah, kerto omašta tunnista lapšien kera Svetlana Kobeleva.

Nyt Svetlana Aleksandrovna rupieu esittämäh Karjalua Venäjän ammattikilpailušša “Paraš muamonkielen ta -kirjallisuon opaštaja 2023” Parahat praktiikat, mit kehitetäh päiväkotien kašvattajien muamonkielen taituo -nominatijošša. Še pietäh tämän vuuvven šyyškuušša Karačajevo-Čerkesijašša.


ПОХОЖИЕ НОВОСТИ
Karjalan Sanomat
Yli tuhat kilometriä rullalaudalla – Kaksi extreme-urheilijaa matkustaa Karjalasta Murmanskin alueelle
Aikaisemmin Artjom Vladimirov ja Sergei Bastrykin matkustivat rullalaudoilla Krasnojarskin alueella, Hakassiassa ja Tuvan tasavallassa.
Karjalan Sanomat
Kostamuksen ammattiopisto tarjoaa uusia koulutusmahdollisuuksia
Ammattiopistoon perustetaan koulutus- ja työharjoittelukeskus. Siinä opiskelijat parantavat ammatissa tarvittavia taitoja.
Karjalan Sanomat
Suorat lennot: Petroskoista pääsee taas Ingušian pääkaupunkiin
Magasiin lennetään kerran viikossa keskiviikkoisin. Ensimmäinen vuoro lentää 10. heinäkuuta.
Karjalan Sanomat
Belomorskin rahtisataman rakentaminen fokuksessa – Suunnitelmissa on perustaa 800 työpaikkaa
Belomorskin satamasta pitäisi tulla osa Vienanmeren–Itämeren kanavan kuljetus- ja logistiikkajärjestelmää.
Karjalan Sanomat
Kotkatjärvi saa uuden kulttuuritilan – Kylässä on avattu Nukkekoti-museo
Näyttelyjen lisäksi siinä järjestetään erilaisia työpajoja lapsille ja aikuisille.
Oma Media
Свет, камера, "Куки-рикку"! – В Петрозаводске проходят съемки юмористического видеожурнала
Перед съемками ребята осваивают навыки актерского мастерства. Всего будет снято шесть видеосюжетов на карельском и вепсском языках.
Karjalan Sanomat
Lukuvuosi 2024–2025: Venäjällä on alkanut korkeakoulujen yhteishaku
Ilmoittautumisaika päättyy 25. heinäkuuta. Petroskoin yliopistossa on avattu uudet opintolinjat, joilla opiskellaan kiinaa, biotekniikkaa ja dronejen ohjausta.
Karjalan Sanomat
Kuki-rikku -videoprojektin uusi kausi on alkanut – Osallistujat tutustuvat näyttelijän työhön
Videot vepsän ja karjalan kielellä näkevät päivänvalon ensi syksynä. Projektissa on mukana kuvauksiin aiemmin osallistuneita lapsia sekä uusia osallistujia.
Karjalan Sanomat
Koululaiset laulavat lauluja kotimaasta – Venäjällä on käynnistynyt uusi flashmob
Flashmob on osa Kulttuuri koululaisille -projektia. Tempauksen tulosten perusteella valitaan 50 voittajaa.
Karjalan Sanomat
Valkeat yöt -rallikilpailut: ralliautoilijat ajavat yli 120 kilometriä
Kilpailut järjestetään 20.–22. kesäkuuta. Laatokan Karjalaan tulee urheilijoita eri puolilta Venäjää.
Войти
Регистрация
Пароль
Повторите пароль