Palkitah ven’an da kanzalliskielil runoilijoi
Karjalan tazavallan kul’tuuruministerstvu ilmoitti, ku algoi ottamah vastah zajavleenieloil Jaakko Rugojevan da Robert Roždestvenskoin stipendieloih. Net voijah suaja lahjakkahat nuoret kirjuttajat, kuduat opastutah tazavallan ammattiškolis da korgielois opastuslaitoksis. Dokumentoi otetah vastah 21. syvyskuudu — 23. ligakuudu.
— Stipendieloi annetah opastujile, kuduat jullattih omii tevoksii painojulgavolois, sähköhizis joukkoviestimis libo ezitettih niilöi raadivos da televiidenies. Robert Roždestvenskoin stipendii annetah ven’akse kirjuttajale, Jaakko Rugojevan stipendii annetah suomen, vepsän libo karjalan kielel kirjutettulois tevoksis, ilmoittau Karjalan piämiehen lehtistöpalvelu.
Stipendien lunnastajal zajavkua kul’tuuruministerstvah andajes pidäy olla Karjalan tazavallas olijan mintahto kirjuttajien liiton libo Karjalas kirjoil olijan painojulgavon toimituksen kehoitus, kerdomus omassah taidoruavos da jullattu tevos.
Yhty Oman Median kanualah MAX:as!
