Paikallizet alguhpanot: kilvan tulokset on ilmoitettu
Paikallizien alguhpanoloin kilvan arvostusjoukko hyväksyi vuvven 2026 kilvan voittajien projektoin luvettelun. Karjalan piämiehen käskys tazavallan b’udžietaspäi niilöin todevuttamizeh joga vuottu annetah varua.
— Kaikkiedah vuvven 2026 kilbah oli työtty 124 projektua, kudamis 96 piästih kilbah. Niilöis voittajikse oli sanottu 36 projektua. Projektoin todevuttamine loppuu tämän vuvven loppuh suate, ilmoittau Karjalan piämiehen lehtistöpalvelu.
Alguhpanoloi projektah kehoittajes kai luavullizet da luvullizet harakteristiekat miärätäh eländykohtan rahvas yhtes paikallizen haldivon kel yhtehizes kerähmös.
Muga Pitkänrannan piirin Hiidensellän kyläs vuvvennu 2026 kunnostetah sportustadion, Vuokkiniemeh hommatah pihatulet, Sumskii Posad -kyläs kunnostetah lavan tyves olii aloveh kylän 590-vuozipäiväh valmistujes.
Vuvvennu 2025 tazavallas oli todevutettu 61 projektu. Enin vuitti niilöis koski alovehien kunnostamistu — 18 projektua, tielöin kohendamistu da kunnostamistu — 12 projektua, aijanvietokse ololoin hommuandu — 10 projektua, sähkö-, lämbö-, guazu, vientuondu da vienviendysistiemoin luadimine — 8 projektua.
Aihies voit lugie suomeksegi.
Yhty Oman Median kanualah Telegramas!
