22. kezakud Šoutjärven etnografižes muzejas avaižihe ozuteluz ”Voinal polttud laps’aig”, mitte om omištadud 80-voččele jubilejale Suren voinan augotišespäi. Nece ozuteluz om tehtud Rürik Petrovič Loninan ”Voinal polttud laps’aig”- da hänen poigan Viktor Rürikovič Loninan ”Männuded igudehe”-kirjoiden pohjal. —— Ozutelusel om ezitadud sijaližiden eläjiden, voinan lapsiden muštlosid, otegid kirjoišpäi. Niihe om pandud kuvid, fotokuvid da dokumentoid muzejan arhivoišpäi, sanub muzejan radnik Jevgenii Fotejev.
Rürik Petrovič Loninan ”Voinal polttud laps’aig”-kirj starinoičeb jügedas sijaližiden eläjiden laps’aigas Suren voinan aigan. Viktor Rürikovič Loninal nece om dokumentaline starin partizanoiden peitjoukus. Ozuteluz radaškandeb läz vot.