Täl vodel ”Kantele”-ansambl’ praznuičeb ičeze 85-voččen jubilejan. Petroskoin Radonmahtoiden kodiš om tehtud ansambl’an ühtnikoiden koncertsädoiden ozuteluz. ”Kantele”-ansambl’an sädoiden abul voib tedištada sen istorijad. Ozutelusel voib homaita, kut vajehtihe ansambl’an ühtnikoiden sädod sen pitkäs elos.
— Ezmäižed sädod ombliba iče ühtnikad da ezmäižed ansambl’an vedäjad V. Kononov i H. Mal’mi. Vaiše aigan sirttes sädod zavodiba tehta professionaližed omblijad. V. Kononov tegi karguid da sädoid vepsän rahvahan veroiden mödhe, sikš nügüd’ ozutelusel om vepsläižed sädod-ki, miččed oli tehtud 1940-vozil, sanub Valerii Sidorkin, üks’ ozutekusen kävujišpäi.
Čomid scensädoid, kengid, pähižid da čomitesid voib nägištada ičeze sil’mil. Paiči sädoid ozutelusel om ezitadud artistoiden da muzikantoiden fotokuvid.
Ozuteluz radab 26.päivähasai uhokud Radonmahtoiden kodiš.