Šoutjärves azotadihe uz’ art-objekt

Vestatusen tegii om Vladimir Zorin. Kuva: Viktoria Zorina

Uden vestatusen tegi tetab Karjalan taidehpirdai da vestai Vladimir Zorin. Nece om raudaspäi tehtud, kahten metran kortte art-objekt. Sidä seižutadihe läz Šoutjärven muzejad.

— Nece vestatuz om se kul’turine jäl’g, miččen jätiba Karjalan taidehpirdajad keza-ekspedicijan jäl’ghe pohjoižvepsläižiden eländtahoile, starinoičeb projektan ohjandai Julia Aprodu.

Kut sel’genzoitab ičeze radod vestatusen avtor Vladimi Zorin, venehes ištui mez’ ujub jogen joksmust vaste da mugažo aigad vaste vai läbi aigas – hän vastustab Elias Lönnrotan mel’t vepsläižiden lähembaižes kelen da kul’turan kadotandas.

Uden art-objektan prezentacii mäneb ”Loninan lugendad” -kodirandan konferencijan aigan, mitte tehtas Šoutjärves 22. redukud.