Opendajad da üläopenikad kosketihe vanhoidenke tradicijoidenke
22.10.2020
Redukun 17. päiväl mäni “Vepsläižed kezan da sügüzen tradicijad”-videovastuz, mitte oli omištadud vepsläižiden kezan da sügüzen tradicionaližile praznikoile.
Teta endevanhoid ezitatoiden tradicijoid om tärged nügüdläižen sugupol’ven täht.
Vastuz mäni lekcijan formatal. Sen tegijoin oliba “Vepsan Vezad”-sebran ühtnikad da Baltianmeren-suomalaižiden keliden kafedran openikad – Tatjana Martjanova da Daniil Balandin.
Lekcijaha ühtni läz 20 ristitud, miččiden keskes oliba Baltianmeren-suomalaižiden keliden kafedran opendajad, openikad da pästnikad. Lekcijal ühtnikad tedištiba kezan da sügüzen tradicionaližiš praznikoiš.
– Mugoižed azjtegod abutaba popul’arizoitta Karjalan rahvahiden kul’turad da istorijad, libutaba ičetundmust da paremboičeba kosketusid üläopenikoiden keskes, sanuba kafedran opendajad.
Videovastusen lopus mäni diskussii, miččel pagištihe nügüd’aigan da tradicijoiden kosketuses.
ПОХОЖИЕ НОВОСТИ
