Opastus: puoli kuuttu tuhattu enzi kerdua školah
Ven’al 1. syvyskuudu školah enzimästy kerdua lähti 1,5 miljounua lastu. Karjalas opastumah lähti 68 tuhattu hengie, niilöin joukos enzimäzeh kluassah — 5 500 piendy.
Tavan mugah Karjalas enzimäzen kluasan opastujat suadih tarvittavat školavehkehet lahjakse. Moizen kannatuskeinon Karjalan haldivo on kehoitannuh vuvvennu 2022.
— Opastusvehkehienkogomukses on kai, midä pidäy: kynät, piirdimet, tetratit, väribumuagu, karton, plastiliinu da äijy midä muudu. Anna enzimäine päivy školas jättäy lapsien mustoh vaigu hyvii tundoloi. Kaikile toivotan hyviä opastustu! kirjutti omassah VK-sivul Karjalan piämies Artur Parfenčikov.
Paiči opastusvehkehien kogomuksii kaikkii algukluasoin opastujii ruvetah syöttämäh školas ilmai. Sih nähte federuallizes b’udžietaspäi on suadu 421, 7 miljounua rubl’ua.
Nygöi Karjalas ruadau 386 opastuslaitostu. Kai net tarkastuskomiisien yhtehvedoloin mugah ollah valmehet uudeh opastusvuodeh.
Yhty Oman Median kanualah MAX:as!
