Opaššušvuosi on alkan Kalevalan karjalan kielikurššilla
Kalevalatalo-etnokulttuurikeškukšen järještämät Pakajamma karjalakši -karjalan kielen kurššit šuatih kannatušta Kalevalan piirin Myö tiälä elämmä ta tämä šeutu on meilä armaš- projektin puittehissa.
— Opaštumah kieltä tuli aikuhisie ta nuorieki ihmisie. Kaikieh kurššiloilla on kirjuttautun 17 henkie. Mukavan opaššukšen hyväkši on muovoššettu kakši ryhmyä: enšimmäiseššä aletah opaštumah kieltä, toisen ryhmän kurššilaiset jo tiijetäh karjalua ta hyö täyvennetäh omie tietoja – kerto kurššien opaštaja Alevtina Lesonen.
Joka kurššilaisella on oma šyy, mintäh hiän tuli opaštumah kieltä, kalevalalaiset rakaššetah omua kotimuata ta halutah šäilyttyä kaunista karjalan kieltä, paissa keškenäh karjalakši, kunnella ta ymmärtyä karjalankielisie lauluja, ošata lukie muamonkielellä.
