Opaššu kieltä uarrehta eččimällä

Uuvven pelin avulla voipi opaštuo kieltä ta nähä nähtävykšie. 6+. Kuva: Uljana Tikkanen

Kanšakunnan uarreh -mobiilipeli on valmis pelattavakši yli 6-vuotisilla lapšilla. Šen tarkotukšena on šynnyttyä kiinnoššušta kanšankielien opaštumiseh. Pelin kielien luvušša on karjalan kieliki.

— Venäjä on monen kanšan koti. Joka kanšalla on oma kulttuuri ta kieli. Kanšakunnan uarreh -pelissä lapšet tuttavuššutah kantakanšojen kielih, opaššutah laškomah, šanomah värien nimijä ta vehkehien omaisukšie, kirjutetah pelin valmistajat nettišivullah.

Pelissä on esitetty Venäjän kanšallisien tašavaltojen 30 kantakanšan muamonkieli. On valittu 35 šanua opaššuttavakši ta 46 Venäjän luonto- ta kulttuurinähtävyštä, kumpasih peluaja niise tuttavuštuu pelin aikana. Joka kanšalla on omat šankarit kanšallisissa pukuloissa, kumpasie peluaja ohjuau pelissä.

Aihiešta voit lukie niise šuomekši.