Oniegan desantu: yliopastujien joukko kiirehtäy Lahdenpohjah
Petroskoil 23. pakkaskuudu algavuu Oniegan desantu -aktsii. Sinä piän enämbi 150 omatahtostu ruadajua lähtietäh Karjalan kylii myöte auttamah niilöi ristikanzoi, ket tarvitah abuu. Täl kerdua joukko ajau Lahdenpohjan piirih.
"Oniegan desantu" kuuluu kogo Ven’an yliopastujien joukon lumidesantu -aktsieh. Joga vuottu Karjalan aktiivine nuorižo tovendau omil ruadoloil, gu ižänmuansuvaiččijan ruado on tärgielöi azieloi.
– Volont’ourat ollah valmehet halguamah halguo, suomimah lundu, auttamah taloin kabrastamizes, luadimah pienii kohenduksii, käymäh ostoksile, kunnostamah mustokohtii, pidämäh master-kluassoi školan opastujih nähte da äijäh muuh ruadoh, ilmoitettih aktsien valmistajat Omatahtozien ruadajien keskuksen VK-sivul.
Enzimäi nuoret ruvetah auttamah erillizeh voinuoperatsieh yhtynyzien perehile, Ižänmuallizen voinan veteruanoile, yksinäzile vahnoile ristikanzoile da kaikile, ket jovvuttih vaigevuksih.
Gu elänettö Lahdenpohjan piiris da teil libo teijän tuttuvile pidäy abuu, kirjutakkua Omatahtozien ruadajien keskukseh.
Yhty Oman Median kanualah Telegramas!
