Oniegan desantu 2026: enämbi 150 abuniekkua loittozis kylis
Karjalas loppih jo yheksäs alovehelline ižänmuansuvaičuksen Oniegan desantu -aktsii. Täl kerdua enämbi puoldutostu sadua yliopastujua lähtiettih pienih kylih, kudamih on vaigei piästä, avvuttamah ristikanzoi hyödyy eččimättäh.
Aktsieh yhtynyöt omatahtozet oldih enämbi migu 50 eländykohtas da avvutettih 200 ristikanzale: hallettih halguo, suomittih lundu, avvutettih eläkkehelolijoile da erillizeh voinuoperatsieh yhtynyzien perehile. Sen ližäkse nuoret suomittih lumet da kabrastettih Suuren Ižänmuallizen voinan 28 mustopačastu da piettih läs 400 ruadopajua da luvenduo.
— Se on ylen hyvä aigu, konzu sinä ruat omien dovarišoinke olgupiä olgupiäh da avvutat ristikanzoi. Olen rauhas, konzu näen, gu minun ruado lämmittäy syväindy. Tiijän, gu myö vietimmö tämän aijan hyövynke. Tahtozin lähtie nengozeh matkah uvvessah, sanoi Oma Mediale Oniegan desantu -aktsien ozanottai Andrei Berdinskih.
Oniegan desantu -aktsii on nuorižole vastuolližuon škola. Se tovesti, gu Karjalan studentoin joukot jiäjäh tärgienny omantahtoziennu voimannu, kudai yhtistäy nuorii.
Yhty Oman Median kanualah Telegramas!
