On algavunnuh ilmoituksien vastahotto Kylän opastai -programmah
Pakkaskuun 11. päivänny ruvettih ottamah vastah dokumentoi Kylän opastai (ven’ – Zemskii učitel’) -programmah. Tänävuon on 71 välliä ruadopaikkua Karjalan tazavallan eri školis.
Kylän opastai -programman mugah maksetah yksi miljon rubl’ua kerralleh opastajale, kudai tulou ruadoh muga sanotule kylä-alovehele. Moizien joukkoh kuulutah kylät, linnanjyttyzet pos’olkat, ruadopos’olkat da linnat, kudamis eläy ei enämbiä 50 tuhattu hengie. Meijän tazavallas moizih alovehih kuulutah kai eländykohtat paiči Petroskoidu.
Vuvvennu 2021 Karjalan školih huavatah suaja 17 opastajua kui meijän tazavallas mugai Ven’an toizil alovehilpäi.
– Dokumentoin da imoituksien vastahotto jo on algavunnuh, ilmoittuakseh kilbah voibi oraskuun 7. päivässäh, kirjutti Karjalan opastuksen ministru Roman Golubev omal Vkontakte-sivul.
Ližiä tieduo löydyy Zemskii učitel’ -federuallizel portualal, ližiä sellitysty voibi kyzyö Karjalan kehitysinstituutan ruadajal Natalja Vladimirovna Ivanoval telefonas +7 981 400 19 37.
