Uvves “Oman Pajon” diskas on viizitostu eri-aigastu pajuo: jo monile tuttavua dai uuttu.
– Suoloil da korbilois eläjät karjalazet vardoittih da säilytettih omii pajoloi tulieloile polvile. Nygöi myö ozutammo kuundelijoile omien ezi-ižien tundoloi pajoloin kauti, on kirjutettu Oma Pajo -horan VK-sivul.
– On hyviä mieldy, ku rodih se disku. Konsertoin aigua rahvas puaksuh kyzytäh diskoi, ku tahtotah kuunnella karjalazii pajoloi, sanommo, mašinas. Karjalazil himoittas, ku omat pajot ainos oldas lähäl, saneli horan pajattai Margarita Kemppainen.
Disku on valmistettu Karjalan Kanzallizen da alovehellizen poliitiekan ministerstvan kannatuksel.