Oma Mua: tuaste värikäs kaheksal sivul
Vuvven toizel puoliškol karjalankieline Oma Mua -lehti tuaste piäzöy ilmoih värikkähänny. Lehten suurutuu ei kiännytetty, se endizelleh ilmestyy kerran nedälis kaheksal sivul.
— Se on hyvä uudine da hätken vuotettavu. Konzu vuvven allus lehti ilmetyi mustuvalgiennu da hubeni nelläl sivul, äijät lehten tiluajat da lugijat paheksittih. Hyö kirjutettih meile, kiännyttih virguniekoin puoleh. Hyvä, ku Kanzallizen da alovehellizen poliitiekan ministerstvu Karjalan piämiehen kannatuksel sai kiännyttiä lehtele värin, sanoi Oma Mediale Natalja Sinitskaja, Oma Mua -lehten pätoimittai.
Suomenkielizet Karjalan Sanomat tuaste heinykuus algajen roitahes värikkähät. Niilöingi suurus on hubevunnuh vuvves allus 16 sivus 12 suate da jiäy moizennu vuvven toizel puoliškol.
Karjalankieline Oma Mua ilmestyi 12 sivul vuvves 2013 vuvven 2024 loppuh suate. Värikkähänny lehti oli oraskuus 2016 algajen. Vuvvennu 2025 puoli vuottu lehti oli mustuvalgiennu. Vuvven 2025 toizes puoles algajen lehti tuaste rodieu värikäs, ga endizelleh ilmestyy kaheksal sivul.
Aihies voit lugie suomekse da ven'aksegi.
