Oma Kieli: opaššu šanoja leikkimällä

Nyt šovellukšešša on joka murtehen ta kielen 320 šanua. 6+. Kuva: Uljana Tikkanen

Uuši Oma Kieli -mobiilišovelluš on valmis. Sovellukšešša voipi opaštuo karjalan ta vepšän kielen šanoja.

Nyt šovellukšešša on kolme šanaštuo: vienan ta livvin murtehien šekä vepšän kielen 320 šanua.

— Nämä šanat kaikešta rikenempäh käytetäh pakinašša. Myö ottima ne šanat, kumpaset käytetäh Oma Media -portalin online-kurššilla, jotta opaštujat voitais helpommin šuorittua šenki tehtävie, šano Periodika-kuštantamon johtaja ta livvin šanašton valmistaja Natalja Sinitskaja.

Šovellukšešša voipi opaštuo šanojen kiännökšet venäjäštä valittuh kieleh ta päinvaštoin, lukie kieliopillisie šiäntöjä, pelata älypelijä.

— Šovelluš on šelvä käyttäjällä ta šitä vuotettih pitälti. Joka vapua hetki ihmini voipi toistua šanoja ta oppie uušie, lisäsi Natalja Sinitskaja.

Šovellukšen luatijien šuunnitelmissa on kehittyä šitä näin, jotta joka käyttäjä vois lisätä opittavakši omie šanoja. Kaikkie tietoja šovellukšešta voipi löytyä šillä omissetušta VK-šivulta.

Šovelluš oli valmissettu Karjalan kanšallisen ta alovehellisen politiikan ministerijön kannatukšella.

Aihiešta voit lukie niise šuomekši, vepšäkši ta venäjäkši.