Čoma jubilei: Jurii Mugačevale täudub 90 vot
Elokun 24. päiväl čomad jubilejad praznuičeb Šokšun eläi Jurii Mihailovič Mugačev. Äi vot Jurii Mihailovič oli “Randaine”-fol’klorgruppan ohjandajan. Hän om aktivine “Vepsän kul’tursebran” ühtnik. Joga voden hän kirjutab diktantad vepsän kelel, kaikuččen nedalin kävub “Vepsläižed besedad” -paginklubha. Joga voden ühtneb “Pühä päiväine” -praznikaha Šokšus. Hän hüvin vändab bajanal da kantelel, navedib pajatada. Tedab äi pajoid vepsän kelel, iče kirjutab muzikad da tekstoid.
— Jurii Mihailovič om tetab ristit vepsläižiden keskes. Kacmata jügedoihe aigoihe hän kaiken oli uskoline vepsän rahvahale, Vepsän kul’tursebrale. Ühtneb kaikihe meiden sebran azjtegoihe. Hän om hüväsüdäimeline, adivoičetai, lujas tark ristit, om vaumiž abutada kaikile. Mugoižid ristituid pidab arvostada. Toivotam hänele ozad, läheližiden armastust da vahvad tervhut, sanui Nina Zaiceva.
Sädandvastuz, mitte om omištadud Jurii Mugačevan jubilejale, mäneškab elokun 27. päiväl 17.00 časud Sebruden kodiš adresadme: Titovan ird, 3.
