Om tehtud onlain-matkad “Venäma”-ozutelustme
Kaikuččel ristitul om voimuz kävuda “Venäma”-ozutelusele Internetan kal’t. Projektan sädajad vaumištiba 10 tematišt onlain-ekskursijad ozutelusen paviljonoidme, starinoitihe “TASS”-agentstvas.
Rahvahidenkeskeine “Venäma”-ozuteluz lopihe 8. heinkud. Onlain-matkad om tehtud mugoižiden ristituiden täht, kudambad ei ehtnugoi putta ozutelusele vai tahtoiba nägištada sidä völ kerdan.
“Venäma”-ozutelusen Internet-lehtpolel om tedoid 10 tematižes onlain-ekskursijas: “Tundištoituz Venämanke. Regionoiden DNK”, “Kožui elo lidnas”, “Agrarine kal’huz’”, “Tedo da tedotelend”, “Terveh Venäma”, “Luguline Venäma”, “Tehnologiline Venäma”, “Londuzlidn”, “Venäman jarmarkad” da “Venäman Arktik”.
Rahvahidenkeskeine “Venäma”-ozuteluz mäni 04.11.2023—08.07.2024 Moskvas VDNH-ozuteluzkompleksas. Sigä ozutadihe Venäman kaikid tärktembid sabustusid erazvuiččiš ekonomikan raderištusiš. Kaik 89 man regionad vaumištiba ičeze ekspozicijad ozutelusen täht. Kahesas kus ozutelusele kävui 18 millionad ristitud. Venäman prezident Vladimir Putin 1. heinkud käski säta Moskvas “Venäma” -rahvahaline keskuz, miččes kaičese ozutelusen jäl’gestuz.
Uzišt neciš temas voib lugeda mugažo suomeks.
