Federaline agenstv rahvahiden azjoiden mödhe (FADN) zavodi tehta Venäman igähižiden vähäluguižiden rahvahiden ezitajiden lugetišt. Vähäluguižiden rahvahiden keskes om vepsläižid-ki, sikš tuleb eloho oficialine vepsläižiden lugetiž. Ku sinä oled vepsläine, pidab kirjutada azjbumagad. Äjad vepsläižed jo tegiba muga, miše nägištada ičeze nimid lugetišes.
— Minä olen sündnu da nügüd’ elän Kalages. Minai om vepsläižid jurid, sikš olda neciš lugetišes om lujas tärged minun täht. Se abutaškandeb kaita tedoid vepsän rahvahan lugumäras da meletada ühtes sen tulijas aigas, sanub vepsläine Tatjana Švecova, Kalag’-külän eläi.
Nügüd’ FADN-organizacijan pätegend om siš, miše kaik rahvahan ezitajad saižiba tedoid sen polhe da kirjutaižiba tarbhaižed azjbumagad.
Kaik instrukcijoid, azjbumagoiden ozutesid da nevondoid voib löuta Venäman FADN-organizacijan saital.