Nuorile autetah vallita ruadotaival
Syvyskuun 21.—25. päivien välis tazavallan 30 laitostu avatah omat veriät školaniekoile da heijän vahnembile. Piduo valmistetah alovehellizen Ven’a — minun gorizontat -fouruman hantuzis. Nämmis vastavuksis rahvas suajah nähtä laitoksien tehnolougieloi da ruado-ololoi, tiijustua, kunne enimite tarvitah ruadajua.
Moizis pidolois rodieu hyödyy nuorile ammattii vallites. Programman aigah suau tuttavuo Karjalan eri laitoksien ruadoh. Školaniekat da heijän vahnembat tuttavutah Arktika-ombelusfabrikan, Karelgaz-, Luonnonkivi-, EFER -laitoksien, Sordavalan leibykombinuatan da toizien ruadoh.
— Ruado nuorižon kel on kanzallizen Kadri-projektan eräs tärgevimii tavoittehii. Karjalan ruatutandupalvelu käyttäy erilazii keinoloi nuoren polven kel ruadajes. Niilöin luvus ongi pivot — treningat da seminuarat, kvizat, ruadopajat da vastavuksen eri aloin ruadajien kel. Proftur on eräs pidolois. Niilöin vuoh lapset ellendetäh, mittumii ruadajii kuduah kohtah tarvitah. Se on tärgei, ku nuoret jiädäs elämäh da ruadamah omal mual, sanoi Karjalan piämiehen lehtistöpalvelule tazavallan Rabota v Rossii -keskuksen piämies Vladimir Šestak.
Suaja abuu ruavon ešos voibi Rabota v Rossii -keskuksis. Nuorižole abuh ollah palvelut, kuduat ollah täs.
Yhty Oman Median kanualah MAX:as!
