“NORD” voitti kyykkä-pelin kilpailuissa
Kilpailut Kontupohjašša piettih naisjoukkojen (kakši ihmistä) šekä mieš- ta šekajoukkojen (nellä ihmistä) kešen. Kaikki perintehelliset ta kanšainväliset pelin šiännöt oli otettu huomijoh.
— Šeka- ta miešjoukkojen kešen voitti Kontupohjan NORD-miešjoukko (Dmitrii Paškov, Maksim Jurjev, Roman Čurkin, Eduard Kirjanen, Roman Pavlov). Naisjoukkojen kešen voittajakši piäsi Natali -joukko (Natalja Žulai ta Natalja Petrova). Kilpailujen parahakši peluajakši tuli Maksim Jyrjev, a naisien kešen — Natalja Žulai, šano kilpailujen piätuomari Danil Brovin.
Kyykkä-peli kehittyy Kontupohjašša. Šiinä ajašša kaupunkissa keräyty voimakaš joukko, kumpani voittau monissa tašavallan kilpailuissa.
Tašavallan kilpailut oli pietty kahekšanteh kertah. Kilpailomah kyykkyä tuli peluajie Kontupohjan piiristä, Kalevalašta, Aunukšešta, Sortavalašta, Koštamukšešta ta Vieljärveštä.
