“Noidal” lähteb eloho uz’ al’bom

“Nored päiväd” om “Noidan” koumanz’ al’bom. 12+ Kuva: Art’om Melejev

Koumanden al’boman pästab eloho muzikaline sebr “Noid”. Uz’ al’bom ozutase internetas 4. kezakud. Al’boman nimi om “Nored päiväd”, sihe mülüb kuz’ ut trekad. Üks’ pajoišpäi om venän kelel, viž tošt — vepsän kelel.

— Pajoiden enambišt oma tradicionaližed pajod, miččid ende pajati vepsläine norišt. Sišpäi al’boman nimi-ki. Naprim kaita necidä energetikad da tahtoim jagatas sil kundlijoidenke, sanub “Noid” -gruppan ohjandai Vladimir Solovjov.

“Nored päiväd” om sebran koumanz’ al’bom. Pigai “Noidal” lähteb völ videoklip. No miččele pajole om kuvatud videoklip, sebran ühtnikad pidäba peituses.

Uzišt neciš temas voib lugeda mugažo karjalaks.