Noid-muuzikkujoukon ”Nored päivät” kuultavakse
Vepsäläzen muuzikan Noid-joukko piästi ilmoih uvven pajokogomuksen. Se ezitetäh kuundelijoile heinykuun 4. päivänny.
Kogomuksen nimekse on pandu ”Nored päivät”. Se ei ole petties, sendäh ku al’bomah kuulutah perindöllizet vepsäläzen pajot, kudamii pajatettih juuri nuoret rahvas: bes’odois, pihoil, ruavon keskes.
— Se on nuorien iäni, niilöin, ket vaste alletah elaijan, polletah ruavahien taibalehele toivon da varavon kel, ga ičepäizesti. Myö opiimmo säilyttiä se energietiekku da tahtommo, ku työgi tundizitto sidä, sanoi Oma Mediale Aleksandr Šašin, Noid-joukon soittai.
Pajokogomukseh kuuluu kuuzi pajuo, se on kolmas Noid-joukon al’boumu. Sen valmistamizeh meni 17 vuottu, sih aigah muuzikkua kirjutettih, kohendeltih, iänitettih. Muuzikkua kirjuttajes käytettih perindöllizii soittimii — kandelehtu, jouhikkuo, akkordeonua, kal’uka-soitindu.
Kai pajot kogomukses ollah vepsäläzet omaperäzet, vaigu yksi on kirjutettu nygyaigazen stiil’an mugah. Se on vepsän kielele kiännetty Kalevalan runo.
Noid-joukon muuzikkumiehet sanotah, ku heijän uvves pajokogomukses vastavuttih mennyh aigu da nygöine, pajolois suau kuulta ennevahnazien soittimien iändy da nygyaigazii sample-katkelmuksii da sintezuattoroi.
Aihies voit lugie vepsäksegi.
