Nimenke Sinun: Aleksandr Maksimovale täuduiži 90 vot
Aleksandr Pavlovič Maksimov oli üks’ vepsläižišpäi, ken sai korktan opendusen Karjalan valdkundan pedagogižes universitetas, a sen jäl’ghe pördihe kodiröunaha – Šoutjärvehe da zavodi rata istorijan opendajan. Hän radoi školas enamb 25 vot. Aleksandr Pavlovič todeks armasti ičeze kodimad, tegi äjan, miše vepsän kel’ da rahvahan kul’tur oliži kaitud. Täl vodel Aleksandr Maksimovale täuduiži 90 vot.
– Hänen elon päazj oli Šoutjärven vepsän rahvahan muzei. Vodel 1980, konz Aleksandr Pavlovičale oli 50 vot, hän zavodi rata muzejan pämehen. Siloi se oli vaiše Karjalan kodiröunan muzejan pala, erišt. Seičemes vodes päliči se tegihe filialaks, sanub Šoutjärven etnografižen muzejan radnik Jevgenii Fotejev.
Ozutelusel oma Maksimovan fotod da dokumentad, predmetad hänen kodišpäi.
