Nikolai Abramovan muštoks paindihe muštlosiden kogomuz
Kirjan om vaumičenu Nikolajan runotusen oppii Mihail Vas’kov ühtes Podporožjen kirjišton kollektivanke. Kirjan avtorad, a heid om enamb 30, starinoičiba kirjas ičeze lämid muštlosid Nikolai Abramovan polhe. Kirjaha keratihe hänen runod-ki venän kelel da kändmižed.
— Tedan, miše Nikolajal oli uništuz – tehta ičeze venäkeližiden runoiden kogomusen. Mö naprim kerata hänen runoid ühthe. Völ mö pakičim Nikolajan läheližid, ristituid, ked tezi Nikoljad, kirjutada ičeze muštlosid hänen polhe. Om lujas tärged kaita nene muštlosed tuleban pol’ven täht.
Uz’ kirj oli ezitadud lugijoile III Regionankeskeižel konferencijal Nikolai Abramovan nimel. Se oli tehtud Podporožje-lidnan kirjištos. Kirjan tiraž ei ole sur’ – 100 ekzempl’arad. Ned oigetas Podporožjen rajonan kirjištoihe, mugažo Karjalaha.
