Petroskoin Käzineroloin talois avavui Kuulta runo -ozuttelu. Ozuttelun nimeh kaččomattah nimidä kuunneltavua sie ei ole, kuulta, kuvitella se omis mielis voibi eri käziluajilmuksii kaččojes. Ozuttelus on ezitetty piäl kahtenkymmenen neroniekan luajilmuksii — saviastieloi, kuvottuloi da tilkulois ommeltuloi veššilöi, ruuttii, puu-, nahku- da rauduluajilmuksii, on ezitettygi eri kandelehii.
Ozutteluh ollah tervehtulluot ruavas rahvas, nuoret dai lapset.
— Lapsih niškoi Karjalan tyttiteatru on valmistannuh oman pienen ozuttelun, kus on eri spektakliloin kaunehii da kummakkahii tyttilöi, ozuttelun järjestäjät kučutah ozutteluh lapsii.
Ozutteluh yhtyigi Karjalan taidoilijua, on kandu kačottavakse äijy kuvua.
Ozuttelu ruadau talvikuun 18. päivässäh.